ექსკლუზივი

საზარელი ავარია, გომის მთის გზიდან მანქანა გადავარდა – მანქანაში მჯდომი 5 პირიდან 3 გარდაიცვალა

გომის მთიდან შუახევისკენ მიმავალ გზაზე ავტომობილი გზიდან გადავარდა – მანქანაში მჯდომი 5 პირიდან 3 გარდაიცვალა, 2 დაშავდა. შემთხვევის შესახებ “მთავარს” ავტომობილის მგზავრების ახლობელმა აცნობა. 

ცნობილია, რომ გარდაცვლილთაგან ორი, შსს-ს საგანგებო სიტუაციების სამსახურის თანამშრომელია. 
შემთხვევა შუახევის მუნიციპალიტეტში, სოფელ ხაბელაშვილებთან მოხდა.

მოგვიანებით, განცხადება გაავრცელა საგანგებო სიტუაციების მართვის სამსახურმა. 

შინაგან საქმეთა სამინისტრო და საგანგებო სიტუაციების მართვის სამსახური ღრმა მწუხარებას გამოთქვამს აჭარაში,

შუახევის მუნიციპალიტეტში, სოფელ ხაბელაშვილებთან მომხდარი ავარიის შედეგად დაფიქსირებულ გარდაცვალების ფაქტებთან დაკავშირებით და სამძიმარს უცხადებს გარდაცვლილთა ოჯახებს. გარდაცვლილთა შორის 2 პირი შინაგან საქმეთა სამინისტროს საგანგებო სიტუაციების მართვის სამსახურის თანამშრომლები არიან.დღეს, აჭარაში, შუახევის მუნიციპალიტეტში, სოფელ ხაბელაშვილებთან მოხდა ავტოსაგზაო შემთხვევა, რა დროსაც გზაზე მოძრავი ავტომანქანა, სავარაუდოდ, მოცურდა და გზის სავალი ნაწილიდან ხვევში, დაახლოებით, 100 მეტრის სიმაღლიდან გადავარდა. მომხდარის შედეგად, 3 ადამიანი გარდაიცვალა, 2 კი – დაშავდა, – წერია განცხადებაში.

მსგავსი სიახლეები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Back to top button
Close
Close